پرسیار ئەوەیە ئایا هەروەک خوالێخۆشبوو کەریم حیسامی دەڵێ: " حیزبی دیموکراتی ئەم سەردەمە هەمان حیزبی دیموکراتی سەردەمی کۆمار نییە "،دەکرێ حیزبی دیموکراتی پاش کۆماری کوردستان کە وەک دیارە ساڵیانێکی زۆر رێکخراوی کوردستانیی حیزبی تودەی ئێران بووە و لە پاش کۆنفرانسی سێهەمی خۆیەوە، بە فەرمی ئامانج و سیاسەتێکیتری گرتەبەر، هەر هەمان حیزبی دیموکراتی قازی محەمەد و سەردەمی کۆماری کوردستان بێت کە ئەمڕۆ ئیدیعای دەکا؟
لەولاشەوە ئایا دەکرێ لەبەر ئەوەی کوڕی قازی محەمەد سەرۆکی پارتی ئازادیی کوردستانە و وەک رادەگەیینن ئامانجی حیزبەکە سەربەخۆیی و دامەزراندنەوەی کۆماری کوردستانە، خۆ بە مێژوو و ئامانج و سیاسەتەکانی کۆمار و پیشەوا قازی محەمەدەوە گرێ بدات؟